ಶಿಶುಪ್ರಾಸ : ಇತ್ತ ಕೇಳಿರಿ ಮುದ್ದು ಮಕ್ಕಳೇ....
ಗೂಗಲ್ ಚಿತ್ರ ಕೃಪೆ
ಹಕ್ಕಿಗಳಂತೆ ಹಾರುತಿರಿ
ಹೂವುಗಳಂತೆ ಅರಳುತಿರಿ
ಮಕ್ಕಳ ಕಲರವ ಕೇಳುತಲಿರಲಿ
ಮನದ ನೋವು ಆರುತಿರಲಿ
ಹೊನ್ನಿನ ಗುಣವು ನಿಮ್ಮದಾಗಲಿ
ಕಂಗಳಲ್ಲಿ ಕಾಂತಿ ತುಂಬಲಿ
ಆಶಾಭಾವವು ಮನದಲ್ಲಿರಲಿ
ಕನಸುಗಳೆಲ್ಲವು ಕೈಗೂಡಲಿ
ಮೋಸದ ಜಾಲಕೆ ಸಿಲುಕದಿರಿ
ನಾಜೂಕಿನ ಮಾತಿಗೆ ಸೋಲದಿರಿ
ದ್ವೇಷವನೆಂದಿಗೂ ಕಾರದಿರಿ
ಬದುಕನು ವಿನಾಶಕೆ ನೂಕದಿರಿ
ಬದುಕಿನ ಬಗೆಗೆ ಗುರಿಯೊಂದಿರಲಿ
ಸೋತರು ಗೆಲ್ಲುವ ಛಲವೊಂದಿರಲಿ
ಹಿರಿಯರ ಕಂಡರೆ ಗೌರವವಿರಲಿ
ನಡತೆಯಲ್ಲಿ ವಿನಯವು ಇರಲಿ
- ಸಿಂಧು ಭಾರ್ಗವ ಬೆಂಗಳೂರು
No comments:
Post a Comment